What Is Angus Beef and Why It’s Different from Regular Beef

Երբ ռեստորանի մենյուում կամ մսավաճառի մոտ տեսնում եք Անգուսի միս, այն հաճախ ներկայացվում է որպես բարձրակարգ ընտրություն։ Բայց ի՞նչ է իրականում Անգուսի միսը, և ինչպես է այն համեմատվում սովորական մսի հետ։ Արդյո՞ք այն իսկապես ավելի օգտակար ու համեղ է, թե՞ պարզապես հաջողված մարքեթինգային հնարք։ Եկեք պարզենք, թե ինչն է Անգուսին դարձնում յուրահատուկ, որտեղից է այն գալիս և ինչու են շատ սպառողներ այն նախընտրում այլ տարբերակներից։

Ի՞նչ է Անգուսի միսը

Անգուսի միսը ստացվում է Աբերդին Անգուս ցեղի կենդանուց, որը 19-րդ դարում ծագել է Շոտլանդիայում։ Այս ցեղն արագ տարածվել է աշխարհով մեկ՝ շնորհիվ իր հարմարվողականության և բարձրորակ մսի։ Այսօր Անգուսը մեծ քանակներով պահում են ԱՄՆ-ում, Հարավային Ամերիկայում և Ավստրալիայում։ Վերջին շրջանում Անգուս աճեցնող երկրների շարքին միացել է նաև Հայաստանը․ Mountain High Farms-ը Դիլիջանի ազգային պարկի ալպիական արոտավայրերում վերականգնողական արածեցմամբ աճեցնում է տոհմային Սև Անգուսներ։

Անգուսը անեղջուր է (polled), հիմնականում սև կամ կարմիր գույնի, և հայտնի է տարբեր կլիմայական պայմաններում լավ աճ ապահովելու ունակությամբ։ Այն, ինչ Անգուսի միսը դարձնում է իսկապես յուրահատուկ, դա նրա մարմարայնությունն է՝ մկանների ներսում բարակ ճարպային շերտերը, որոնք հալչում են պատրաստման ընթացքում։ Դրանք մսին ապահովում են․

  • Նրբություն – փափուկ և կայուն պատառներ,
  • Համ – կարագանման, հագեցած տավարի համ, որը ուժեղանում է գրիլի կամ ջեռոցում պատրաստելու ժամանակ,
  • Հյութալիություն – խոնավություն՝ փակված մսի մեջ։

Այս համադրությունն Անգուսի միսը դարձնում է ոսկե ստանդարտ՝ ստեյքերի, խորովածների և նրբաճաշակ բուրգերների համար։

Անգուս vs սովորական տավարի միս. հիմնական տարբերությունները

Անգուսի միսը տարբերվում է սովորականից՝ գենետիկայով, համաչափությամբ և որակով։

  • Ցեղ – Անգուսը գալիս է բացառապես Աբերդին Անգուս ցեղից, մինչդեռ «սովորական տավարի միս» կարող է լինել ցանկացած ցեղից կամ խաչասերումից (օրինակ՝ Հերեֆորդ, Շառոլե, Սիմենտալ կամ տեղական ոչ որակյալ ցեղեր)։
  • Մարմարայնություն – Անգուսը գենետիկորեն ավելի շատ մարամրայնություն է ձևավորում, ինչի շնորհիվ միսն ավելի փափուկ և համեղ է։ Սովորական տավարի միսը հաճախ ավելի բարակ է և քիչ ճարպ ունի, ինչը կարող է հետաքրքրել ցածր յուղայնություն փնտրող սպառողներին։
  • Համաչափություն – Քանի որ Անգուսի միսը գալիս է կոնկրետ ցեղից և հաճախ ենթարկվում է որակի ստանդարտների (օր․ ԱՄՆ-ում Certified Angus Beef), դրա որակը ավելի կանխատեսելի է։ Սովորական մսի որակը լայնորեն տատանվում է ցեղից, կերի և աճեցման ձևից կախված։
  • Պատրաստման հատկություններ – Անգուսի միսը բարձր ջերմաստիճանում (գրիլ, ջեռոցում) պահպանում է հյութալիությունն ու համը։ Սովորական ճարպազուրկ միսը կարող է արագ չորանալ։
  • Գին – Անգուսը սովորաբար ավելի թանկ է՝ պայմանավորված բարձր պահանջարկով և պրեմիում հատկանիշներով։ Սովորական միսը ավելի մատչելի է, բայց ավելի անկայուն որակի։

Ինչու է Անգուսը ներկայացվում որպես բարձրակարգ

Անգուսի բարձրակարգելիթյան համբավը միայն մարքեթինգային հնարք չէ։ Օրինակ՝ Certified Angus Beef ծրագիրը սահմանում է խիստ պահանջներ մարամրայնության, հյուսվածքի, հասունության և արտաքին տեսքի համար։ Այս ստանդարտներին համապատասխանելը երաշխավորում է, որ սպառողը ստանում է կայուն բարձր որակի միս։

Ռեստորանները մենյուում առանձնացնում են Անգուսը, քանի որ այն հուսալիության, փափկության և համի խորհրդանիշ է։ Սպառողները պատրաստ են ավելի շատ վճարել ստեյքի համար, որը երաշխավորում է հաճելի փորձառություն։

Mountain High Farms-ի տարբերությունը

Շատ երկրներում Անգուսը պահում են փակ գոմերում, սակայն Mountain High Farms-ը Հայաստանում ունի այլ փիլիսոփայություն։ Նրանց Անգուսներն ազատորեն արածում են Դիլիջանի ազգային պարկի բարձ բազմազանությամբ ալպիական խոտաբույսերով, երիցուկներով ու վայրի դեղաբույսերով հարուստ արոտավայրերում։ Այս բնական սննդակարգը և սթրեսազերծ պայմանները բարձրացնում են մսի սննդային արժեքը՝ դարձնելով այն ավելի հարուստ օմեգա-3 ճարպաթթուներով և ավելի ցածր հագեցած ճարպերով, քան փակ տարածքներում պահված Անգուսի միսը։

Բացի այդ, Mountain High Farms-ը կիրառում է վերականգնողական արածեցում, որն առողջացնում է հողը, պահպանում կենսաբազմազանությունը և ապահովում ամբողջական ծագումնաստուգելիություն՝ արոտից մինչև սեղան։ Սա նշանակում է, որ դուք հստակ գիտեք՝ որտեղից է միսը և ինչպես է այն աճեցվել՝ առանց հորմոնների, առանց ավելորդ հակաբիոտիկների, միայն բնություն և խնամք։

Արդյո՞ք ընտրել Անգուս, թե՞ սովորական միս

Եթե առաջնայինը ձեզ համար համն է, փափկությունն ու հյութալիությունը, Անգուսի միսը հիանալի ընտրություն է։ Այն իդեալական է գրիլով ստեյքերի, խորովածների և համեղ բուրգերների համար։ Եթե ցանկանում եք ավելի ցածր յուղայնությամբ և մատչելի տարբերակներ, սովորական միսը կարող է ավելի հարմար լինել, բայց համի և որակի կայունությունը երաշխավորված չէ։

Այսպիսով, ի՞նչ է Անգուսի միսը և ինչո՞վ է այն տարբերվում։ Պարզ ասած՝ Անգուսը գալիս է կոնկրետ ցեղից, որը հայտնի է բարձր մարամրայնությամբ և համով, մինչդեռ սովորական միսը լայն կատեգորիա է՝ փոփոխական որակով։ Անգուս ընտրել նշանակում է ընտրել կայունություն և բարձրակարգ համ։

Եվ երբ ընտրում եք Mountain High Farms-ի Անգուսի միսը, դուք գնում եք ավելին, քան պարզապես համ․ դուք աջակցում եք վերականգնողական գյուղատնտեսությանը, կայունությանը և Հայաստանի բարձրալեռնային արոտավայրերի մշակութային ժառանգությանը։ Ամեն պատառ արտացոլում է Դիլիջանի ալպիական մարգագետինների մաքրությունն ու բնական ձևով աճեցված կենդանիների պատմությունը։

Նրանց համար, ովքեր գնահատում են իսկական համն ու բերանում հալվող փափկությունը, Անգուսի միսն արժե իր արժեքին համապատասխան։ Mountain High Farms-ը այդ բարձրակարգ փորձառությունը բարձրացնում է նոր մակարդակի՝ համադրելով համաշխարհային մակարդակի Անգուս գենետիկան և Հայաստանի բարձր բազմազանության արոտավայրերի ավանդույթները։

Leave a reply