Mountain High Farms-ը ստեղծվել է 2019 թվականի վերջին, առաջնակարգ արոտային ֆերմա ստեղծելու եւ Հայաստանում տոհմային Սեւ Անգուսներ բուծելու միասնական տեսլականից:
Մեր առաքելությունն է աճեցնել էկոլոգիապես մաքուր սնունդ՝ բացառիկ գենետիկայով օժտված բարձրարժեք կենդանիների բուծման լավագույն ավանդույթները համադրելով վերականգնվող արոտների հետ:
Mountain High Farms-ի պարզ, միաժամանակ արդյունավետ մոտեցումը սթրեսից զուրկ բնական միջավայրում արածող կենդանիների եւ մաքուր օդով լեռնային զուլալ առվակների ափերին սփռված մարգագետինների փարթամ բուսականության համատեղումն է: Այս բնական ներդաշնակության մեջ աճեցվում է բարձրորակ, առողջարար, նուրբ եւ համային բարձրագույն հատկանիշներով օժտված մթերք, որոնք առաջարկելով հպարտ լինելու հետ միաժամանակ մենք հոգ ենք տանում բնության մասին:
Մեր ֆերման ռազմավարորեն տեղադրված է չքնաղ Դիլիջան ազգային պարկի կենտրոնում, որտեղ առկա են 140 բուսատեսակներ, քաղցրահամ եւ զուլալ լեռնային գետակների և առվակների լայն ցանց` ծովի մակերեւույթից 1700-ից 2400 մետր բարձրության վրա: Այս եզակի միջավայրի համակցությունն իրականություն է դարձնում մեր հանձնառությանը` աճեցնել կենդանիներ, որոնց լավագույն բնական պայմաններում աճեցնելով ստացվում է միս, որն աչքի է ընկնում իր բարձրակարգ համով եւ նրբությամբ:
Արեւի ուլտրամանուշակագույն ճառագայթները բարելավում են կենդանիների մսի համային եւ սննդային հատկանիշները: Մեր արոտների զուլալ աղբյուրների ջուրն եւ բուսաբազմազանությունն ապահովում են աճեցված մսի բացառիկ համային հատկություններ: Մենք նախ սկսել ենք Սեւ Անգուսների աճեցումից, որոնք աշխարհում հայտնի են մսի բացառիկ համով եւ նրբությամբ: Այնուհետեւ անցել ենք Դորպեր ոչխարների աճեցմանը` մեր արոտներն առավել բարելավելու եւ այդ կենդանիների բարձրորակ միսն աճեցնելու նպատակով: Առաջիկայում ծրագրում ենք աճեցնել արոտային թռչուն եւ անտառային խոզ` մեր արտադրանքն էլ ավելի դիվերսիֆիկացնելու համար:
Տարվա ամբողջ ընթացքում մեր կենդանիներն արածում են լեռնային փարթամ եւ թարմաբույր ալպիական արոտներում` շրջապատված կենսաբազմազանությամբ հարուստ եւ սաղարթախիտ անտառներով: Մեր արոտներում աճում են ավելի քան 95 տեսակի բույսեր, ներառյալ տարբեր ուտելի խոտաբույսեր եւ հազվադեպ հանդիպող բուժիչ խոտաբույսեր: Ի հակադրություն, տիպիկ արոտավայրերը պարունակում են ընդամենը 20-30 բուսատեսակներ: Բացի այս անհավանական բուսաբազմազանությունից, մեր կենդանիները վայելում են վայրի մրգերի եւ հատապտուղների լայն տեսականին, որը առատ առկա է մեր արոտներում: Մենք մասնագիտնում ենք բարձրակարգ համով եւ որակով հայնի` կաղնային բտմամբ Սեւ Անգուսի եւ Դորպերի մսի աճեցմամբ:
